55-годишен македонски државјанин загина во сообраќајка во Грција

55-годишен македонски државјанин вчера загинал во сообраќајка во Неа Санта, во близина на Кукуш, Грција.

Како што пренесе државната агенција МИА, сообраќајката била помеѓу два автомобили.

Едниот бил управуван од починатиот, кој директно удрил во друг, управуван од 44-годишна жена.

Интервенирале и пожарникари за да го извлечат возачот, кој бил пренесен во болница во Солун, каде што била констатирана смрт.

Во вториот автомобил се превезувале и 38-годишен маж и две тригодишни девојчиња, и сите биле пренесени во болница.

Причините за несреќата засега не се познати, а започната е прелиминарна истрага.