62-годишник од Ливада осомничен за убиството на кучиња во Струга

Шеесет и двегодишен жител на струшкото село Ливада е осомничен дека е сторител на масовното убиство на кучиња во Струга.

ПОВРЗАНИ ВЕСТИ

(Вознемирувачко видео) Во Струга со пушка застрелани десетици маалски и домашни миленици, сторителот да одговара бара „Анима мунди“

„Во Надворешната канцеларија за криминалистички работи Струга е извршен службен разговор со М. З. (62) од селото Ливада, Струшко. Тој се сомничи дека во периодот од 6:45 до 7:15 часот со огнено оружје усмртил седум кучиња скитници на улицата Владо Малески во Струга.

Од него е одземена ловечка пушка сачмарка, калибар 16 милиметри, заради вештачење. По целосно документирање на случајот ќе биде поднесена соодветна пријава“, информираа од СВР Охрид.