На 7 јануари 1943 година почина Никола Тесла. Имаше 85 години и почина во сон, како последица од коронарна тромбоза.
Таа ноќ беше сам во својот апартман 3327 на 33 кат на хотелот „Њујоркер“. Го пронашла собарката. Почина сам и сиромашен. Комеморацијата беше одржана на 10 јануари. Градоначалникот на Њујорк Фјорело ла Гвардија прочита проштален говор кој бил напишан од Луј Адамиќ, словенечки писател, есеист и преведувач.
„Овде во Њујорк, минатата среда во својата хотелска соба почина еден човек. Се викаше Никола Тесла. Почина сиромашен, но беше еден од најуспешните луѓе. Неговите достигнувања се огромни, а како што одминува времето, ќе стануваат се поголеми“, се велело во говорот.
Од 1956 година урната со пепелта се наоѓа во Музејот „Никола Тесла“ во Крунската улица во Белград.
Извор и фото: Фејсбук-страница „Љубовна шетња Београдом“