ЕБОР ги поттикнува инвестициите во зелена енергија во државата со кредитна линија од еден милион евра за Прокредит банка Македонија, информираат од банката.
„Средствата ќе го поддржат подобрувањето на енергетската ефикасност на станбените објекти, ќе помогнат во намалување на емисијата на гасови кои создаваат ефект на стаклена градина, и ќе го подобрат квалитетот на живеење на сопствениците на домаќинствата.
Прокредит Банка Македонија ќе ги позајмува средства на домаќинставата, здруженијата за домување и компаниите за сервисни услуги кои планираат да инвестираат во проекти на енергетска ефикасност и обновливи извори на енергија. Финансирањето на ЕБОР е под Програмата за поддршка за зелена енергија (ППЗЕ).
Потенцијалните инвестиции ќе вклучат зелени технологии како бојлери, прозорци и осветлување. Зградите во земјата имаат итна потреба од реновирање и поставување на изолација, што ќе ги намали трошоците за потрошувачка на енергијата и ќе ја зголеми удобноста. Прокредит банка Македонија е третата македонска банка која се приклучува на оваа програма“, се вели во соопштението.
КОМЕРЦИЈАЛНА ОБЈАВА