Растот на економијата следната година според владината проекција е 3,8 отсто. Ова го соопшти денеска министерката за финансии Нина Ангеловска одговорајќи на новинарски прашања, споделувајќи ги основните контури од буџетот за 2020 година која е во владина процедура.
Потенцира дека буџетот треба да биде усвоен следнава недела на седница на Влада, а дека во фокусот на буџетот за 2020 година е инвестирање во човечкиот капитал.
Истакнувајќи дека ќе биде соопштен пред јавноста предлог буџетот за 2020 година откако ќе биде усвоен на Влада, сподели само податок за расатот на економијата и дека дефицитот ќе биде 2,3 отсто согласно фискалната стратегија.
Раст на економијата следната година од 3,8 отсто проектира и Народната банка.
МИА/Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.