Турција од 11 номеври (понеделник) ќе почне со враќање на заробените членови на Исламската држава кои се во турските затвори во нивните матични земји, изјави турскиот министер за внатрешни работи Сулејман Сојлу, пренесе Ројтерс.
Тој не соопшти за кои земји станува збор. Турскиот претседателот Реџеп Таип Ердоган неодамна соопшти дека повеќе од 1.150 припадници на Исламската држава се наоѓаат моментално во турските затвори.
Инаку, Турција редовно ги повикува европските земји да ги преземат своите државјани кои се бореле во редовите на Исламската држава, но тие најчесто го одбиваат преземањето поради безбедносни причини.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.