Директорот на Танец, Мартин Вучиќ во гостувањето во радиото СБС на македонски јазик рече дека во тек е иницијатива за преименување на Танец од Национална институција на народни игри и песни на Северна Македонија во Национален ансамбл за македонски народни игри и песни.
„Иницирам да се додаде придавка Национален ансамбл за македонски народни игри и песни. Тоа е нешто што не се случува преку ноќ и е административна работа која трае малку подолго. На нам Македонците што живееме во Македонија ни е многу потешко од вас. Ние секојдневно се носиме со тоа“, одговори Вучиќ на забелешката на новинарката дали можело да се најде покреативен начин од една страна да се задоволат обврските кои ги наметнува Преспанскиот договор, а од друга страна да се сочува она за што е формирана оваа институција, промоција на македонскиот фолклор.
Танец се на турнеја низ Австралија. Требаше да одржат концерти во три града, но се соочуваат со бојкот од страна на иселениците кои живеат таму.
ПОВРЗАНИ ВЕСТИ
Мартин Вучиќ за СБС на македонски јазик во Австралија: Кого бојкотираат Македонците, самите себе?
Фото: Танец