Поминаа 10 дена од истекувањето на некоја недефинирана хемиска материја во кругот на фабриката Охис, и сè уште не се знае што истекло таа вечер, зошто сигурно печење во очи и грло не било од вода, ниту па од метил акрилат кој испарил пред април 2019, напишаа од иницијативата О2 на нивниот Фејсбук профил.
„Се чека да се подзаборави сè, но вработените се упорни во своите барања и секој вторник и петок се на протест за своите неисплатени плати за 2 години, но и да нè потсетат на негрижата на државата за оваа фабрика. Имаат и знаење и докази што се случувало во напуштената фабрика, укажувале до сите надлежни и предупредувале за опасностите што таму тлеат.
Денеска во 10 часот, ќе протестираат пред капијата на фабриката ОХИС каде го оставиле своето здравје. Ве повикуваме сите кои можете да им се придружите и да ги поддржите, посебно граѓаните од околните населби кои се и најзагрозени од хемиските отрови кои сè уште се наоѓаат таму“, соопштија од О2.
Фото: Фејсбук/О2