Денес, среда (20.11.2019) со почеток во 19:00 часот од страна на Амбасадорот на Финска, Кимо Лахдевирта ќе биде отворена изложбата “Иновативен фински дизајн” во Јавна Соба.
Оваа изложба се состои од панели на кои е прикажан креативен пристап во решавањето на сложени технолошки проблеми, од дизајн на инфомрациски и комуникациски технологии, бродоградба, дизајн во здравството, па се до иновации во индустријата за мебел.
Автор на изложбата е Јарно Пелтонен, поранешен директор на Музејот за дизајн во Хелсинки.
Изложбата “Иновативен фински дизајн” на која може да се погледнат овие проекти, а и да се научат некои интересни факти за Финска, ќе биде отворена за посетители се до 1. декември, односно до завршувањето на Skopje Design Week.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.