Синдикатот на култура информира дека вработените во културните и уметничките установи ќе започнат со штрајк на 24 декември заради непотпишување на колективен договор кој го очекуваме деценија и половина.
„Рокот за одговор на Министерството за култура на доставената намера за штрајк истече вчера, на 18.12.2019 година. Од нивна страна не добивме никаков одговор, па Советот на СКРМ одлучи да ја активира последната правна алатка.
Штрајкот ќе се одвива во просториите на установите и значи целосен прекин на работата на вработените носители на дејност, помошно-технички персонал и административен кадар. Штрајкот е со од предупредувачки карактер и ќе трае еден ден, а по завршувањето на новогодишните празници ќе се радикализира и ќе трае до целосно исполнување на нашите барања.
Ги повикуваме сите вработени да ни се приклучат, а директорите на институциите да застанат во одбрана и поддршка на нашата борба за остварување на нашите работнички права. Културата е темелна вредност на секоја држава и таа не смее да биде маргинализирана, игнорирана и понижена“, се вели во соопштението.
Фото: Фејсбук/Синдикат на култура