Во Македонија се уште деца раѓаат деца: Мајки станале 19 девојчиња помали од 15 години

Во 2018 година, најголемо учество, односно 34.1 % се живородени деца од мајки на возраст 25 – 29 години, а регистрирани се 19 случаи на мајки под 15 години, покажуваат податоците на Државниот завод за статистика.

Според структурата по пол на живородените деца, поголемо учество од 52.4 % имаат машките, т.е. на 100 живородени женски деца 110 се машки.

Од вкупно 780 повеќекратни живородени деца, 763 се близнаци, а 17 се тројки и повеќе.

Според брачноста, 2.587 деца или 12.1 % од живородените се родени надвор од брак.