Премиерот Зоран Заев на својот Фејсбук-профил попладнево соопшти дека случајот „Рекет“ го пријавил на 22 април 2019 година.
„Денес добив прашање од медиумите за точниот датум кога сум го пријавил случајот „Рекет“. Проверив и ја известувам јавноста дека случајот „Рекет“ го пријавив на 22 април 2019 година“, напиша премиерот.
На новинарско прашање денеска тој одговори дека одржал состанок десетина дена пред бизнисменот Орце Камчев да ги однесе документите и материјалите во Обвинителството за гонење на организиран криминал и корупција и дека на средбата присуствувале државниот обвинител и обвинителката за гонење организиран криминал и корупција.
ПОВРЗАНИ ВЕСТИ
Новинар од 1ТВ сведочеше за „Рекет“: „Боки 13 ми нарачуваше теми за телевизијата да живее од нешто“
Сведок во „Рекет“: Во домот на Боки 13 доаѓаа Богоев, Филипче, Кирацовски…
Фото: Влада