Една од најпознатата српски актерки Неда Арнериќ почина на 67-годишна возраст. Српските медиуми информираат дека Арнериќ била пронајдена мртва во нејзиниот стан, без знаци на насилство.
Безживотното тело на актерката го пронашол нејзиниот брат кој дошол во посета на сестра си.
Неда Арнериќ е родена на 15 јули 1953 година во Књажевац и имаше богата актерска кариера.
Според листата на ИМБД таа има играно во 117 филмови и серии, а Македонците вечно ќе ја паметат по улогата во филмот Исправи се Делфина од 1977 година.
Во 2010 година таа ја доби наградата за животно дело „Павле Вујисиќ“.
Фото/Видео:Dvenvno.hr/Youtube/Klasik TV
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.