Претседателот на Регулаторната комисија за енергетика (РКЕ), Марко Бислимовски денеска соопшти дека за две-три недели ќе има конечен став во однос на постапката за издавање лиценца за топлинска енергија на град Скопје, што сега е запрена.
Сегашниот снабдувач БЕГ ќе продолжи да работи оваа грејна сезона.
„Постапката е запрена. Добивме податоци од Град Скопје, се обративме и до Владата и во текот на наредните две-три недели ќе ги разгледаме сите информации и ќе донесеме конечен став за постапката за издавање лиценца.
Како и да е скопјани треба да бидат безгрижни, БЕГ оваа сезона ќе продолжи да си работи и ќе нема промени во текот на грејната сезона“, рече Бислимовски и најави дека по завршување на грејната сезона ќе има конкретни податоци од операторот на дистрибутивниот систем за бројот на потрошувачите кои повторно се вратиле во системот.
МИА
ПОВРЗАНИ ВЕСТИ
Регулаторите ќе бараат да не се издава одобрение за градење на зграда без приклучок за парно