Министерството за економија го објави огласот за надоместување на дел од трошоците за купување печки на пелети во домаќинствата за 2020 година.
Министерството ќе обезбеди поврат на средства до 50 отсто, но не повеќе од 20.000 денари по домаќинство и до 70 отсто, но не повеќе од 25.000 денари за категоријата лица со ниски примања.
Главен услов е купувачите досега да не користеле средства од буџетот за набавка на печки на пелети.
Право на учество имаат лицата со ниски примања кои се вработени или едниот брачен другар е вработен, но нивните приходи да не надминуваат 30.000 денари месечно.
Потоа, лиците со ниски примања кои се пензионери или едниот брачен другар е пензионер и нивните месечени приходи да не надминуваат 20.000 денари, како и лицата што влегуваат во категоријата ранливи потрошувачи согласно Програмата за заштита на ранливи потрошувачи на енергија.
Кандидатите треба да поднесат барање и дополнителна документација како доказ.
Повеќе детали ТУКА.
ПОВРЗАНИ ВЕСТИ
Oгласот за субвенции за печки на пелети ќе биде објавен утре
Детален преглед: Кои граѓани добија субвенции за купување печки на пелети?