Во Кривичниот суд во Скопје, денеска продолжи судењето за предметот „Таргет-Тврдина”, но рочиштето е затворено за јавноста, од причина што ќе сведочат вработени од поранешната Управа за безбедност и контраразузнавање (УБК).
Застапниците на обвинението изјавија дека и следните рочишта ќе бидат затворени за јавноста токму од оваа причина.
Предметот е во фаза на презентирање сведоци. Досега во оваа постапка имаат сведочено свиркачите Звонко Костовски и Ѓорѓи Костовски, поранешниот директор на УБК, Зоран Верушевски, поранешниот премиер Зоран Заев и други лица.
Обвинети во овој предмет за нелегално прислушување се Сашо Мијалков, поранешен директор на УБК, Гордана Јанкуловска, поранешна министерка за внатрешни работи и други лица од УБК.
Предметот го води Кривичниот совет составен од судијата Џенета Бегтовиќи и Владимир Туфегџиќ.
Обвинението е застапувано од обвинителите Артан Ајро, Трајче Пеливанов и Ленче Ристовска.
МИА
ПОВРЗАНИ ВЕСТИ
Ново рочиште за „Тврдина-Таргет”
Судење за „Таргет-Тврдина“: Јанкуловски го испрашуваат поранешните колеги
Заев ќе сведочи како ги добил „бомбите“: Продолжува судењето за „Таргет Тврдина“