Граѓаните на социјалните мрежи споделуваат информации дека добиваат телефонски повици од странство кои најчесто започнуваат на +370 (668), +370 (669), +48 780, +881.
Истите ги поврзуваат со можноста за повиски телефонски сметки, доколку одговорат на пoвикот.
Поранешната пратеничка и потпреседателка на македонското Собрание, Фросина Ременски побара нашите телекомуникациски оператори или Агенцијата за електронски комуникации (АЕК) под итно да дадат одговор за бројните дојдовни повици од неидентификувани броеви од странство кон наши корисници.
„За да се избегнат било какви штети и шпекулации, има надлежни институции кои треба да го превенираат ова. Не сакам да верувам дека, зад оваа „масовност“ се крие таргетирана разузнавачка операција. За да нема шпекулации потребен е одговор,“ напиша таа на нејзиниот фејсбук-профил.
Според информациите од граѓаните, од некои од телефонските броеви е вртено и години наназад, но повиците зачестиле овој период.
ПОВРЗАНИ ВЕСТИ
АЕК ќе ги блокира повиците од странските непознати броеви и апелира граѓаните да не одговараат