На одбележувањето на 98-та годишнина од постоењето на Стопанската комора на Македонија, ЕВН Македонија беше одликувана со „Награда за долготраен активен член на Стопанската комора на Македонија“, информираат од компанијата.
Наградата му беше врачена на претседателот на Управниот одбор на ЕВН Македонија, Штефан Петер. Тој истакна дека наградата претставува официјално признание на бизнис-заедницата за придонесот на ЕВН Македонија кон развојот на целокупното општество.
„Низ својата 14-годишна историја ЕВН преку своите инвестиции во мрежата, во човечкиот капитал и животната средина покажува дека има моќ да ги следи барањата на бизнисот, но во исто време и да биде двигател на иновациите во македонската економија“, посочи Петер.
Настанот се одржа во просториите на Стопанската комора на Македонија во Скопје, со присуство на владини функционери, многубројни претставници на стопанството и меѓународната заедница. По повод годишнината беше презентирана и студијата „Западен Балкан на глобален пазар: можности за трговија и инвестиции“.