Наташа Николовска упати апел на социјалните мрежи за помош, бидејќи боледува од рак на желудник и црн дроб и треба да се лекува во Турција.
„Драги пријатели, молам за сета ваша помош кога е најтешко. Јас не се откажувам сега кога е тешко, не се откажувам од моето синче, не се откажувам од животот. Самохрана мајка сум и се борам со ракот на желудник и црн дроб веќе три години. Терапиите и нивното делување веќе се исцрпени.
Лекувањето ќе продолжи во Турција со соодветни онколошки третмани, со хируршка интервенција и конечна победа над оваа не фер војна. Најголемата желба е да сум здрава и секогаш насмеана, бидејќи така барем беше до пред три години. Јас сакам да живеам! Благодарност до сите што се во можност да донираат и да ми помогнат,“ вели Наташа во повикот на нејзиниот профил.
