Винарската визба „Тиквеш“ АД Кавадарци лани забележа пораст на вкупните приходи од 10%, односно зголемување за 152,6 милиони денари, соопшти компанијата преку Македонската берза.
„Порастот се должи на зголемените приходи генерирани од домашниот пазар (за 10%) и од странските пазари (за 8%). Бруто добивката бележи раст од 15%, односно зголемување за 96 милилиони денари.
Зголемените административни трошоци за 49%, трошоци за продажба и маркетинг за 12% и останатите оперативни расходи за 19% резултираа со оперативна добивка од 218,2 милиони денари.
Финансиските расходи се намалени за 9,4%. Остварена е нето добивка од редовното работење пред оданочување на износ од 188,2 милиони денари (3 милиони евра)“, информираат од компанијата.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.