Македонската берза го прекина тргувањето поради вонреден пад на индексот МБИ10

Имајќи го предвид падот на индексот МБИ10 од 7,06 %, а согласно член 58а од Правилата за тргување, Ве известуваме дека Македонска берза во 10:25:45 часот го прекина тргувањето на сите пазари на берзата во траење од 60 минути, соопшти Македонската берза.

„За продолжувањето на тргувањето ќе бидете дополнително известени“, информираат од берзата.

Во наведениот член е предвидено времен прекин на тргување поради вонредна осцилаторност на пазарот:

Член 58-а

(1) Ако вредноста на индексот МБИ10 падне или порасне за повеќе од 70% од максималната можна дневна промена на индексот во однос на неговата вредност на крајот од претходниот ден на тргување, имајќи ги предвид статичките лимити на цените на елементите на индексот пропишани во член 55 од овие Правила, Берзата ќе го прекине тргувањето на сите пазари на следниот начин:

– доколку наведената состојба се случи до 11:45 часот, прекинот ќе трае 60 минути

– доколку наведената состојба се случи во или после 11:45 часот, прекинот ќе трае 30 минути.

ПОВРЗАНИ ВЕСТИ

По едночасовниот прекин, продолжи тргувањето на Македонската берза