Бројот на заболени со коронавирусот во Македонија според последните податоци изнесува 219 лица.
Бројот пак на здравствени работници заболени со коронавирусот за 24 часа од 20 порасна на 21 лице, стои во анализата на податоците од страна на Институтот за јавно здравје (ИЈЗ).
„Од овој број, 14 се заболени во болнички/амбулантски услови„.стои во анализата на податоците од страна на ИЈЗ.
Засега нема официјални податоци од каде се четворицата новозаболени здравствени работници во последните два дена.
Познато, официјално, е дека позитивни на коронавирусот се здравствени работници од болници во Куманово, Дебар, Кавадарци и Скопје.
Дел од здравствените работници, официјално, 5, се поврзани со поранешната заболена директорка на Клиниката за кожни болести, Нина Цаца Биљановска.
Деновиве се тестираат здравствени работници поврзани со овој случај, медицински персонал во Заводот за рехабилитација во Скопје, кои се во врска со првиот случај на коронавирусот во Тетово, како и проверки и на лица вработени во Одделението за трансфузиологија во Охрид.
ПОВРЗАНИ ВЕСТИ
Четири деца во Македонија се заболени со коронавирусот
Секојдневно се менува: Како изгледа мапата на заболени со коронавирусот во Македонија по градови
Детален преглед: Број на заболени со коронавирусот по скопските општини
Македонка во САД: Живееме во социјална и економска криза како никогаш досега