Во изминатите 24 часа се регистрирани 26 нови случаи на коронавирусот во земјата, информираат од Министерство за здравство.
„Целосен преглед за состојбата по градови ќе испратиме дополнително, бидејќи дел од потврдените се со работа во Скопје, но место на живеење во друг град, а анкетите се се уште во тек. Со ова, вкупната бројка на дијагностицирани пациенти со Ковид-19 во земјата денеска до 12.00 часот изнесува 285 лица,“ се вели во соопштението.
Имајќи го предвид зголемениот обем на работа и информации и се поголемиот број на тестирања во повеќе лаборатории кои ги доставуваат своите извештаи до Институтот за јавно здравје, Министерството за здравство известува дека од утре 31 март, Институтот за јавно здравје ќе ја доставува статистиката на денот за бројот на новозаболени до 15:00 часот за што Министерството за здравство веднаш ќе испрати информација до медиумите.
ПОВРЗАНИ ВЕСТИ
Седма жртва од корона вирусот: Почина 79-годишен пациент од Дебар
Убава вест: Испишани девет пациенти од Клиниката за инфективни болести