Владата објави нова централна веб-страница за сите официјални информации поврзани со справувањето со коронавирусот на којашто ќе се објавуваат мерките, препораките и вестите од институциите.
-Адресата на новата владина „Коронавирус МК” веб-страница е koronavirus.gov.mk на која граѓаните ќе можат да се информираат за сите апели, совети, препораки и забрани со цел спречување на ширењето на вирусот, како и за медицински насоки во случај да почувствуваат симптоми, но и како да обезбедат психолошка поддршка во време на самоизолација.
На веб-страницата постои и секција за економските мерки, на која ќе бидат објавувани сите уредби за начините на искористување на мерките од страна на фирмите и работниците, со цел спасување на работните места во државата, се вели во соопшштението на Владата.
Веб-страницата „Коронавирус МК” е придружена и од мобилни апликации (за Андроид и иОС) за поедноставен пристап, преку кои редовно ќе се испраќаат нотификации до граѓаните кои на својот смарт-телефон ќе ја инсталираат оваа апликација, поврзани со дневните апели на Владата за почитување на мерките, најави за прес-конференции, потсетувања за активните мерки и забрани и други информации во корист за граѓаните.
Апликациите ќе можат да се преземат од новата веб страница: www.koronavirus.gov.mk/app.
Владата отвори и Фејсбук, Инстаграм и Твитер страници на социјалните мрежи: facebook.com/koronavirus.gov.mk, instagram.com/koronavirus.gov.mk, twitter.com/KoronavirusMK.
ПОВРЗАНИ ВЕСТИ
Коронавирусот, сепак, не е дел од теориите на заговор
Како дома да се лекуваат пациентите со полесни симптоми на корона вирусот