Вкупниот број на заболени лица со коронавирусот во Македонија продолжува да расте, а во секојдневен пораст е и бројот на заболени здравствени работници.
“Регистрирани се 41 случај на заболување меѓу здравствени работници. Од овој број, 28 се заболени во болнички/амбулантски услови“, стои во анализата на податоците од страна на Институтот за јавно здравје.
Пред неколку дена овој број беше 38.
Вчера од болницата „Плодност“ во Битола информираа за новозаболени од вирусот кај нивниот медицински персонал, а министерот за здравство, Венко Филипче пак соопшти дека е заболен доктор од Психијатриската болница во Демир Хисар.
Познато, официјално, е дека позитивни на коронавирусот се здравствени работници од болници во Куманово, Дебар, Кавадарци, Битола, Охрид, Демир Хисар и Скопје, а неофицијално и во Штип.
ПОВРЗАНИ ВЕСТИ
110 лица од заболените со коронавирусот во Македонија биле без изразени симптоми
Ќе ги однесе ли коронавирусот Куманово и Скопје во карантин како во Дебар?
Кај 97 лица од заболените со коронавирусот во Македонија се присутни хронична и здравствени состојби
Раст на бројот на заболени со коронавирусот по скопските општини, како изгледа мапата