Болничар од Инфективното одделение во Клиничка болница-Штип е позитивен на корона вирусот потврди директорот, Ален Ѓеорѓијев. Негативен е резултатот за младиот лекар инфектолог, а остантите 12 медицински лица од ова одделение ќе се тестираат на утврдени датуми.
Според претходните информации, вкупно 14 здравствени работници, од кои двајца инфектолози, осум медицински сестри и четворица болничари се во домашен карантин, откако имале контакт со 80-годишна жена од Штип, која во вторникот ја загуби битката со корона вирусот на Клиниката за инфективни болести во Скопје.
Здравствените работници во самоизолација се од минатата недела, а следеше и целосна реорганизација на ова одделение. На инфектологот, кој немал контакт со сега починатата пациентка на помош и доаѓа специјалист инфектолог од Општата болница во Струмица.
На Инфективното одделение во штипската болница од денеска се лекуваат вкупно осум пациенти, од Штип и Кочани позитивни на коронавирус.
МИА/Фото: Општина Штип
ПОВРЗАНИ ВЕСТИ
Убава вест: Во Дебар од корона вирусот излекувани 23 лица, седми ден нема новозаразени
Вкупно 711: 48 нови случаи на заболени од коронавирусот, во Куманово 25
Кривична пријава за објавување список со имиња и адреси на заразени од корона вирусот