Кризата којашто ја предизвикува вирусот #COVID19 најтешко се одразува на, и онака социјално загрозените семејства, порача на Фејсбук, претседателот Стево Пендаровски, кој вчера пакуваше храна и средства во рамки на проектот „Волонтираме за солидарно општество“.
„Пакувајќи ги првите пакети со храна и средства за хигиена во #MladiHub, го започнавме проектот „Волонтираме за солидарно општество“. Во овие тешки денови, ве повикувам да бидеме хумани и солидарни и да донираме, секој во рамки на своите можности.
Очекувам на јавниот повик да се одзват и општествено одговорни компании, граѓански организации, дипломатски претставништва во нашата земја, како и меѓународни организации и институции. Се надевам дека заеднички барем малку ќе им помогнеме на нашите сограѓани“, напиша Пендаровски.
Фото: Фејсбук/Пендаровски