Случаи на заразени со новиот коронавирус во САД се удвоија за 18 дена и сега се повеќе од милион.
Повеќе од 56.500 Американци починале од вирусот. САД се убедливо во првите редови на двата показатела во мрачната статистика.
Околу една третина од пријавените случаи на инфекција со коронавирусот во светот се во САД и околу една четвртина од смртните случаи.
Во САД, најлоша е состојбата во државата Њујорк, каде има околу 30 проценти од заразените. Следуваат Њу Џерси, Масачусетс, Калифорнија и Пенсилванија.
Коронавирусот предизвика повеќе Американци да ги загубат животите отколку во војната во Кореја (1950-1953) – 36.516. Бројот на жртви е близу до оној на американските загуби во војната во Виетнам – 58.220.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.