Министерството за здравство информира дека и вториот резултат од тестирањето на министерот за здравство Венко Филипче е негативен на коронавирусот.
„Денеска го добив резултатот од мојот втор тест на Ковид-19, кој исто како и првиот е негативен на вирусот.
Со ова, практично, завршува мојата 14-дневна изолација која ја спроведов на сопствена иницијатива и покрај тоа што епидемиолозите не сметаа дека сум во ризик.
Во изминатите две недели сите мои работни обврски ги извршував од изолација и одржував редовни онлајн состаноци со Комисијата за заразни болести, лекарите во здравствените установи, колегите во владата и медиумите и се функционираше беспрекорно.
Од денеска продолжувам со вообичаениот начин на работа во Министерството за здравство. Продолжувам да управувам со сите активности на министерството и ситуацијата со корона вирусот во земјата. Им благодарам на сите за поддршката“, потенцира министерот Филипче.
ПОВРЗАНИ ВЕСТИ
Енигма што прават Спасовски и Филипче во изолација
Министерот Венко Филипче нема корона вирус, останува во самоизолација