Министерството за внетршени работи денеска со повеќе пригодни настани го одбележа 7 мај – Денот на македонската полиција.
По тој повод беше објавен и видео-спот снимен за одбележувањето на овој датум.
Инаку, денеска раководството на МВР им оддаде почит на загинатите бранители со положување свежо цвеќе.
Во Полицискиот центар „Ѓорче Петров“ раководството на МВР, дел од вработените, поканети гости од Дипломатскиот кор имаа можност да присуствуваат на церемонијата по повод одбележувањето на 7. мај –Денот на полицијата, проследувајќи го обраќањето на министерот за внатрешни работи, Наќе Чулев, показни вежби од страна на Единиците на МВР, како и доделување плакети за посебен придонес и заложба во работењето на министерството за вработени во МВР и плакети за благодарност до претставниците на Дипломатскиот кор.
Фото/Видео: Youtube/МВР