Министерството за здравство информира дека започнуваат координации со соседните земји за справување со корона вирусот, а овие подготовки имаат за цел да се донесе координирано олеснување на мерките за спречување на внесување и ширење на вирусот и да се овозможи безбедно патување во странство на граѓаните кога условите ќе го дозволат тоа, соопшти денеска Владата.
Владата на вчерашната седница донесе одлука за изменување и дополнување на одлуката за мерки за спречување на внесување и ширење на корона вирусот и одлука со која се дозволува службено патување на избрани и именувани лица во странски држави.
Во одлуката се наведува дека заради координации и други работни активности, поврзани со мерките за корона вирусот за овие лица нема да се спроведува државен карантин по нивното враќање во државата.
Лицата се обврзани да ги почитуваат препораките и протоколите на Комисијата за заразни болести за одржување на потребно растојание и носење на лична заштитна опрема.
МИА
ПОВРЗАНИ ВЕСТИ
(ВИДЕО) Експеримент во Јапонија покажува колку брзо се шири коронавирусот во ресторан
Убава вест: Во Пехчево оздраве уште еден пациент заболен со коронавирусот
Во Прилеп петмина новозаболени од корона вирусот