7 лица хоспитализирани, 10 имале контакт со потврден случај, детали за новозаразените со коронавирусот

Вчера во Македонија беа регистрирани 20 нови случаи на заразени со коронавирусот.

“Тестирани се вкупно 309 материјали во лабораториите во кои се спроведува молекуларно тестирање за присуство на SARS-CoV-2, од кои позитивни се 20.

Потврдените случаи се од 4 градови.

Регистрирани се случаи во скоро сите возрасни групи, а во однос на дистрибуцијата по пол, пријавени се 11 женски и 9 машки лица.

Регистрирани се 7 хоспитализирани лица.

Кај 10 лица е регистрирано присуство на коморбидитети (хронична/здравствени состојби, н.з.).

Вкупно 10 лица имале контакт со веќе потврден случај на COVID-19 во државата, а не се регистрирани лица кои имале историја на неодамнешно патување (во последни 14 дена)“, стои во анализата на Институтот за јавно здравје (ИЈЗ), која еМагазин секојдневно ја пренесува.

ПОВРЗАНИ ВЕСТИ

Убава вест: Уште само 23 здравствени работници во Македонија се заболени со коронавирусот

Двајца од новопочинатите од коронавирусот биле со претходни заболувања

Пред да влеземе кај стоматолог ќе ни мерат температура, а ќе потпишуваме и согласност за интервенција

Фото: Град Скопје/табела: ИЈЗ