Шест нови случаи на заразени лица од Ковид-19, денеска се евидентирани во Прилеп, што значи со вчера регистрираните пет лица, само за два дена има 11 новозаразени.
До овој момент нема информации за новоизлекувани од заразната болест, информираат локалните власти.
На инфективното одделение во прилепската болница се хоспитализирани 19 лица, од кои 13 се позитивни на коронавирусот.
Во делот за изолација се шест пациенти од кои тројца се негативни на коронавирусот, а на другите тројца земен им е брис и се чекаат резултати.
Во самоизолација се наоѓаат 168 лица.
Инаку, во изминатото деноноќие се забележани четири нарушувања на полицискиот час.
МИА/Фото: Општина Прилеп
ПОВРЗАНИ ВЕСТИ
Двесетина лица се заразиле со коронавирусот на семејниот настан во Скопје
Нови 29 случаи на заразени со коронавирусот во Македонија, вкупно 1.723