Министерот за здравство Венко Филипче вчера имаше средба со бизнисмените од Стопанската комора која што се одржа во хотелот „Белви“.Тој изрази голема благодарност до компаниите кои преку донации во текот на оваа криза го помогнаа здравствениот буџет.
„Денеска присуствував на седницата на Собранието на Стопанската комора каде се дискутираше за повеќе прашања од бизнис секторот. Меѓу нив и за отворање на угостителските објекти во скоро време, но и за други дејности за кои има забрана за работа.
Мерката за забрана на враќање во земјата во траење од 3 месеци при напуштање се очекува набрзо да се укине. За отворање на границите потребен е координиран пристап со земјите од регионот,“ напиша Филипче на неговиот фејсбук-профил.
Фото: Фејсбук/Филипче
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.