Видео снимка од САД на која се гледа како полицаец убива афроамериканец го обиколи светот и предизвика лавина од негативни реакции.
На вознемирувачката снимка која ја објавија американските медиуми се гледа како починатиот Џорџ Флојд (46) неколку пати вели дека неможе да дише и моли да не биде убиен, откако еден од полицајците кои учествувале во неговото апсење го притиска со коленото на вратот.
Агонијата на Флојд трае неколку минути, по што починал.
Неговата фамилија, но и преставниците на локалната власт бараат полицаецот да биде уапсен и да му се суди за убиство.
Сите четворицата полицајци кои биле дел од овој инцидент се отпуштени.
Апсењето на Лојд следуваше откако сопственик на продавница во Минеаполис повикал полиција, бидејќи се сомневал дека тој се обидел да купи цигари со фалсификувана банкнота од 20 долари.
Новото убиство на афроамериканец од страна на полицаец во САД предизвика насилни протести во Минеаполис, Минесота.
Фото: CNN/видео: The Telegraph/KPRC 2 Click2Houston