Сопственикот на „Зара“ ќе затвори околу 1.200 продавници ширум светот, а продажбата на гардеробата ќе се обиде да ја засили преку Интернет, додека се случува хаосот што го предизвика корона вирусот, пишува „Гардијан“.
Компанијата „Индитекс“ која е сопственик на брендовите „Зара“, „Бершка“, „Пол енд бер“ и „Масимо Дути“, соопшти дека затворени ќе бидат меѓу 1.000 и 1.200 помали продавници, главно во Азија и во Европа.
Инаку, „Индитекс“ е еден од најголемите светски трговци на мало со облека, а за време на пандемијата беше погоден со 44 отсто намалена продажба. Компанијата објави 409 милиони евра нето-загуба во првиот квартал. Една четвртина од продавниците останаа затворени до 8 јуни.
Сепак, растот на продажбите преку Интернет придонесе за подобрување на слабостите во продажбата преку продавниците. Онлајн продажбата се зголеми за 50 проценти во првиот квартал.
Брендовите на „Индитекс“ ги има и во Сити мол, а дали и тие ќе бидат опфатени со затворањето, останува да видиме.
Фото: „Зара“