Центарот за јавно здравје Куманово, во последниве 24 часа регистрира 13 новозаболени лица од Ковид 19, соопштија денеска од јавната здравствена установа.
Директорот на ЦЈЗ Куманово, д-р Ариф Љатифи изјави дека 11 од новорегистрираните се од општина Куманово, двајца се од општина Липково.
-И денеска заболените се од познати кластери, изјави Љатифи.
Денеска се направени 27 тестови, од нив двa согласно епидемиолошки индикации, а 25 се контролни тестови.
Министерството за здравство, информираше дека починати се и двајца пациенти од Куманово. Во ОБ Куманово почина пациент на 51 година, примен на 14 јуни. На 19 јуни почината е пациентка од Куманово на возраст од 40 години, потврдена позитивна на 20 јуни.
МИА/Фото: Општина Куманово
ПОВРЗАНИ ВЕСТИ
Од корона вирусот починаа уште 5 пациенти
Во болниците низ Македонија хоспитализирани вкупно 362 пациенти со Ковид-19