Албанскот премиер Еди Рама, коментирајќи ја изјавата на српскиот претседател Александар Вучиќ дека „нема да ја признае независноста на Косово и дека преговара со Западот, а не со Албанците“, рече дека „Вучиќ може да оди и на Месечината, но на крај сепак ќе седне со легитимните власти на северната држава Косово“.
– Претседателот на Србија може да оди на Запад, може да оди на Исток, ако сака може да оди и на Месечината, но на крајот сепак ќе седне со нас. И кога ќе кажам со нас, тоа значи ќе седне со легитимните власти на суверената држава Косово, рече Рама на заедничката прес конференција со неговиот косовски колега Авдулах Хоти.
Тој додаде дека претседателот Вучиќ е претседател на Србија и оти Тирана секогаш ќе дава целосна поддршка за Косово.
– Тој ги брани интересите на Србија, од своја гледна точка, се разбира и може да каже дека не преговарал со Албанците, преговарал со Западот, но нема шанси тој да преговара со Западот за Албанците. Тирана целосно ги подржува властите во Приштина, посочи Рама.
МИА