Државната изборна комисија има обврска да ги испита сите сомнежи за неправилности и фалсификати, вклучително и рачно да се пребројат гласачките ливчиња, затоа што не смее да има црна дамка на процесот при ваков масовен поткуп и фалсификат, соопшти Димче Арсовски, портпарол на ВМРО-ДПМНЕ.
„Имаме огромен број на неважечки ливчиња, над 30.000 несвојствени за ваква излезност на еден изборен процес. Да потсетам уште еднаш, дека функционери на СДСМ и нивни експоненти јавно водеа кампања да се шкртаат ливчиња, претставувајќи го како повик на ВМРО-ДПМНЕ, што е кривично дело во изборен процес.
Потребно е да се заштити волјата на граѓаните и да се тргне дамката од изборниот процес“, соопшти Арсовски.
МИА
ПОВРЗАНИ ВЕСТИ
Левица поднесе 425 приговори за изборите до ДИК, се најавуваат уште
Сите детали од ДИК: Коалицијата „Можеме“ доби 46 пратеници, ВМРО-ДПМНЕ 44, а ДУИ 15
Дерковски: Сајтот на ДИК најверојатно е цел на надворешен напад