Вршителот на должност поглавар на Исламската верска заедница (ИВЗ), Шаќир Фетаху, на својот Фејсбук-профил објави дека е позитивен на Ковид-19.
„Грижејќи се за моето семејство, моите соработници, како и сите верници и граѓани, решив да направам тест за Ковид-19. За жал, тој излезе позитивен.
Во моментов сè е нормално и нема никакви проблеми ниту симптоми. Јас се придржувам кон прецизните медицински препораки и сум во домашна изолација. Таква е одлуката на Алах.
Апелирам до сите граѓани да бидат внимателни и да се придржуваат кон препораките на надлежните органи“, пишува Фетаху, кој за разлика од неговиот претходник Сулејман Реџепи, кој го прогласи вирусот за мртов, сериозно се постави кон пандемијата.
Фото: Фејсбук/Фетаи
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.
Важно известување
Посети ја новата страница