Во јуни 2020 година, продолжи трендот на намалување на просечната каматна стапка на вкупните кредити, којашто оствари месечен и годишен пад од 0,03 процетни поени (п.п.) и 0,39 п.п., соодветно и изнесува 4,80%, соопшти Народната банка.
„Просечната каматна стапка на вкупните депозити оствари минимален месечен пад од 0,01 п.п. и изнесува 1,09%, додека на годишна основа таа се намали за 0,32 п.п“, информираат од банката.
Просечната каматна стапка на новоодобрените кредити, во јуни, изнесува 3,94%, по забележан месечен раст од 0,02 п.п.
„На годишна основа, оваа каматна стапка е намалена за 0,76 п.п. Кај просечната каматна стапка на новопримените депозити е остварен месечен раст од 0,02 п.п. и изнесува 0,64%, додека на годишно ниво е забележан пад за 0,51 п.п“, соопшти Народна банка.
ПОВРЗАНИ ВЕСТИ
Корона кризата не го запре задолжувањето: Граѓаните од банките зеле кредити од 2,7 милијарди евра