„Пекабеско“ АД за периодот јануари-јуни 2020 оствари позитивен финансиски резултат искажан во неревидираниот единечен биланс на успех во износ од 41,9 милиони денари и истиот е понизок за 27% во споредба со претходната година, соопшти компанијата преку Македонската берза.
Остварените вкупни приходи од работењето во периодот јануари-јуни 2020 година изнесуваат 2.152.400.000 денари и во споредба со остварените во истиот период во 2019 година бележат намалување од 6%.
Остварените вкупни расходи изнесуваат 2.095.600.000 денари и во споредба со остварените во истиот период во 2019 година бележат намалување за 7%.
„Вкупните инвестиции во основни средства во периодот јануари-јуни 2020 година изнесуваат 44 милиони денари и кумулативно за 7,5 години од кога е активиран новиот производствен-дистрибутивен погон инвестициите во основни средства достигнаа 581 милиони денари“, соопшти компанијата.
„Пекабеско“ АД за периодот јануари-јуни 2020 реализира 38 нови вработувања а 36 вработени го напуштија друштвото. Бројот на вработени изнесува 474 лица.
ПОВРЗАНИ ВЕСТИ
„Пекабеско“ ги зголеми приходите
Фото: Пекабеско