„Дебарски бањи-Цапа“ АД Дебар во шесте месеци од 2020 година од пружените услуги за бањско лекување и рехабилитацијакако основна дејност како и хотелиерство и угостителство и други споредни дејности оствари негативен финансиски резултат од 28,9 милиони денари, соопшти компанијата преку Македонската берза.
„Во истиот период од претходната 2019 година е остварен негативен финансиски резултат од 6,4 милиони денари. Вкупните приходи во период 01.01.-30.06.2020 година изнесуваат 22,8 милиони денари и се остварени во висина од 39% во соодност со истиот период од претходната 2019 година.
Вкупните трошоци од редовното работење до 30.06.2020 год. изнесуваат 51,278 милиони денари и се помали за 10% во однос на 30.06.2019 година.
Притоа останатите финансиски показатели како што се степенот на финансиска сигурност, степенот на самофинансирање и општата ликвидност се на доста ниско ниво.
Со оглед на фактот дека друштвото има сезонски карактер на работењето, остварените резулатати во првите шест месеци од тековната 2020 година се незадоволителни.
Во наредните месеци од 2020 год. кои се и месеци на главната сезона, Менаџметот на друштвото ќе настојува да го подобри резултатот од работење во однос на првите 6 месеци од оваа година“, информираат од компанијата.