Лидерот на СДСМ и иден премиер, Зоран Заев синоќа по завршувањето на седницата на Централниот одбор на СДСМ ги соопшти кадровските решенија на партијата за новата влада.
Министер за внатрешни работи ќе биде Оливер Спасовски, за одбрана Радмила Шекеринска, а за правда Бојан Маричиќ.
Благој Бочварски ќе раководи со Министерство за транспорт и врски, Јагода Шахпаска со ресорот за труд и социјална политика, а Ирена Стефовска ќе биде нов министер за култура.
Венко Филипче останува министер за здравство, вицепремиерката Мила Царовска ќе раководи со Министерство за образование и наука, а досегашниот шеф на дипломатијата Никола Димитров ќе биде вицепремиер задолжен за европски прашања.
Фатмир Битиќи ќе биде вицепремиер за економски прашања, а Љупчо Николовски вицепремиер за борба против корупцијата.
Од редовите на Коалицијата „Можеме“, која ја предводи СДСМ доаѓаат и министерот за земјоделство, шумарство и водостопанство определен од политичката партија БЕСА, како и министерот за локална самоуправа од ЛДП.
ПОВРЗАНИ ВЕСТИ
Средба на лидерите на партиите од „Можеме“: БЕСА го доби Министерството за земјоделство
Фото: СДСМ