Драган Крстев од струмичкото село Ангелци и неговиот братучед Љубиша Велиновиќ со „Застава 101“ од 1974 година извозеа од Струмица до Лондон, Велика Британија, пренесува локалниот портал Струмица денес.
Тие тргнаа од Струмица на 3. септември, а во Лондон пристигнаа на 6. септември.
Патот им поминал скоро без никакви посериозни проблеми во врска со автомобилот, пишува порталот.
Posted by Dragan Krstev on Недела, 06 септември 2020
Крстев живее и работи во Лондон каде има механичарска работилница и свој возен парк, но желбата да се врати со возило со кое ги имал првите почетоци во возењето и како механичар, го понесе со ваков автомобил да вози и по лондонските улици, пишува локалниот порталот Дрнка.
„Застава 101 е првата моја автомобилска љубов. Беше на татко ми кој ме учеше како да возам, како да менувам гуми, како да поправам одредени дефекти. Кога станав полнолетен стана моја и имам многу спомени со овој тип на возило.
Потоа животот ме однесе во Лондон, Англија каде сум веќе 20 години и постојано имав желба да си имам свој 101 и таму. Го купив во Македонија, го стегнав и еве се враќам за Лондон„, изјави за порталот Крстев пред тргнувањето.
Фото/видео: Фејсбук/Крстев