Центарот за јавно здравје Тетово денеска бележи три нови случаи со Ковид-19, а сите нови заболени се граѓани на Општина Тетово. Истовремено се регистрирани и 13 оздравени лица.
-Со новите три случаи, бројката на болни достигна 117 лица, информира д-р Зорица Зафировска, специјализант по епидемиологија при Центарот за јавно здравје.
Во текот на изминатото деноноќие, според статистиката на Секторот за внатрешни работи Тетово, за периодот за неносење заштитни маски на 37 лица изготвени им се прекршочни платни налози, согласно член 6 од соодветната владина Уредба и ќе треба да платат 20 евра во денарска противредност.
Според Државниот санитарен и здравствен инспекторат, во тетовското подрачје има 185 лица со решенија за изолација дома.
ПОВРЗАНИ ВЕСТИ
Тројца новозаболени, 34 оздравени од Ковид-19 во Куманово
Во Велес по еден новозаболен и оздравен од Ковид-19
МИА/Фото: Општина Куманово