Според податоците на Државниот завод за статистика, бројот на работниците во индустријата во август 2020 година, во однос на август 2019 година, е намален за 5.1%.
Бројот на работниците во секторот рударство и вадење на камен во август 2020 година, во однос на август 2019 година, бележи опаѓање од 0.8 %, во секторот преработувачка индустрија опаѓање од 5.6 %, а во секторот снабдување со електрична енергија, гас, пареа и климатизација опаѓање од 1.5 %.
Според главните индустриски групи, бројот на работниците во индустријата во август 2020 година, во однос на август 2019 година, бележи опаѓање кај енергијата за 1.3 %, интермедијарните производи, освен енергија за 6.2 %, капиталните производи за 6.1 %, трајните производи за широка потрошувачка за 6.7 % и нетрајните производи за широка потрошувачка за 4.6 %.
Бројот на работниците во индустријата во периодот јануари ‒ август 2020 година, во однос на периодот јануари ‒ август 2019 година е намален за 4.7%.
Фото: Влада