Македонскиот пасош според најновото рангирање на „Passport Index“, се најде на високото 16. место во светот.
Со него може да се влезе без виза во 62 држави, додека во 37 држави се добива виза веднаш по пристигнувањето. Виза пак, е потребна за во 99 други држави.
Од земјите во регионов најдобро котира словенечкиот, кој е на 5. место, хрватскиот на 8. и српскиот на 14. позиција на индексот на најмоќни пасоши во светот.
Објаснувањето на „Passport Index“ е дека годинава ковид пандемијата имала големо влијание на листата.
Интересно е и дека македонскиот пасош е пет места пред американскиот, кој се наоѓа на 21. место.
За најмоќен се оценува пасошот на Нов Зеланд, а на последното 75. место се наоѓаат пасошите на Авганистан и Ирак.
„И покрај големата нестабилност на пасошот во текот на целата измината година, ‘Passport Index’ ги ажурираше рангирањата на пасошите во реално време, прикажувајќи го вистинскиот ефект на пандемијата на рангирањето на пасошите.
Податоците се јасни, со привремени забрани за патување и ограничување на визите, многу земји кои некогаш имаа моќен пасош, сега се рангираат меѓу најниските во светот“, се вели во соопштението на „Passport Index“.