Во Штип е поставен споменик „Магичен конец“ во чест на текстилните работници. Симболот во чест на златните раце на работниците е поставен на локација парк Кр’теке.
„По четврти пат, Здружението на граѓани на текстилните, кожарските и чевларските работници „Гласен Текстилец“ го организира настанот Текстилијада што се одржa во Штип во периодот од 15-17 октомври 2020 година.
Најголемиот настан од ваков вид во регионот, што се одржува во Република Северна Македонија, ја постигнува својата мисија да ги поттикне младите, работниците и работничките да се вклучат во процесите на одлучување.
Мотото на настанот за оваа година беше „Работнички права во време на Корона – Корона права“. Овогодинешната Текстилијада ја оствари целта и ја отвори проблематиката за почитувањето на работничките права на текстилните работници и работнички во време на пандемијата со Ковид-19,“ пишува на фејсбук-страницата на Општина Штип.
фото: Фејсбук/Општина Штип