Асоцијацијата на специјализанти и млади лекари (АСМЛ) реагира на изјавата на директорката на Клиниката за инфективни болести Милена Стевановиќ, која изјави дека „сите оние кои имаат лесни симптоми да бидат дома, изолирани со симптоматска и витаминска терапија. Да им помогнеме на оние кои навистина имаат потреба од хоспитализација.“
Од АСМЛ на нивниот фејсбук-профил напишаа дека матичните лекари се оставени сами на себе.
„Почитувана колешке, прием во болница прави само лекар. А ретко кој пациент знае што се лесни симптоми. Матичните лекари наместо да добијат соодветна поддршка и да бидат столб кој ќе штити од колапс, се оставени сами на себе,“ пишуваат АСМЛ.
ПОВРЗАНИ ВЕСТИ
Стевановиќ уште еднаш упати апел граѓаните да помогнат на лекарите и да ги почитуваат мерките